LICENCE PUBLICHE GJENERICHE (GPL) DAL PROGJET GNU Version 2, Jugn 1991 Copyright (C) 1989, 1991 Free Software Foundation, Inc. 59 Temple Place, Suite 330, Boston, MA 02111-1307 USA Traduzion curade di SERLING s.c. a r.l., vie Volturno 29, 33100 Udin. Ultin inzornament 31 di Dicembar dal 2004. Cualsisei al pues copiâ e dâ fûr copiis leterâls di chest document di licence, ma no je permetude la modificazion. Premetidure Lis licencis de plui part dai programs a à n il fin di gjavâ al utent la libertât di condividi e di modificâ il program stes. Ben al contrari, la Licence Publiche Gjeneriche GNU e je indreçade a garantî la libertât di condividi e di modificâ il programari libar, par garantî che i programs a sedin libars par ducj i lôr utents. Cheste Licence si apliche ae maiorance dai programs de Free Software Foundation e a ogni altri program che i siei autôrs a à n decidût di doprâ cheste Licence. Cierts altris programs de Free Software Foundation a son invezit cuvierts de Licence Publiche Gjeneriche Minôr. Cualsisei al pues doprâ cheste Licence pai siei programs. Cuant che si fevele di programari libar (free software), si riferissisi ae libertât, no al presit. Lis nestris Licencis (la GPL e la LGPL) a son progjetadis par garantî che ognidun al vedi la libertât di dâ fûr copiis dal programari libar (e fâsi paiâ par chest, se al vûl), che ognidun al ricevi il codiç font o che lu puedi otignî se lu vûl, che ognidun al puedi modificâ il program o doprâ sôs parts in gnûfs programs libars e che ognidun al sepi di podê fâ chestis azions. Par protezi i dirits dal utent, o vin dibisugn di creâ des limitazions che a proibissin a cualsisei di dineâ chescj dirits o di domandâ di rinunciâi. Chestis limitazion si rindin in ciertis responsabilitâts par cui che al da fûr copiis dal programari e par cui che lu al modifiche. Par esempli, cui che al da fûr copiis di un program cuviert di GPL, sedi gratis sedi daûr di un compens, al à di concedi ai destinataris ducj i dirits che al à ricevût. Al ancje à di sigurâsi che i destinataris a ricevin o che a puedin otignî il codiç font. Al à di mostrâur chestis cundizions di licence, in mût che lôr a cognossin i lôr dirits. O protezìn i dirits dal utent in doi mûts: (1) protezint il programari cuntun dirit di riproduzion, e (2) ufrint une licence che e dedi il permès legâl di copiâ, dâ fûr e modificâ il Program. Cun di plui, par protezi ogni autôr e noaltris stes, o volìn sigurâsi che ognidun al capissi che no son garanziis pai programs cuvierts di GPL. Se il program al ven modificât di cualchidun altri e tornât a dâ fûr, o volìn che i acuirents a sepin che chest che a à n nol è l'origjinâl, in mût che ogni probleme metût dentri di altris nol coli su la reputazion dai autôrs origjinaris. Cun di plui, ogni program libar al è menaçât di un continui dai brevets sui programs. O volìn evitâ il pericul che cui che al torne a dâ fûr un program libar al otegni la proprietât di brevets, fasint in pratiche il program une robe di sô proprietât. Par prevignî cheste pussibilitât, o vin sclarît che ogni brevet al vedi di jessi concedût in licence di ûs a cualsisei, o che nol vedi di vê nissune limitazion di licence di ûs. A vegnin cumò i tiermins e lis cundizions precîs pe copie, pe distribuzion e pe modificazion. LICENCE PUBLICHE GJENERICHE GNU TIERMINS E CUNDIZIONS PE COPIE, PE DISTRIBUZION E PE MODIFICAZION 0. Cheste Licence si apliche a ogni program o a ogni altre opare che a vedin dentri une note di bande dal detentôr dal dirit di riproduzion che e disi che cheste opare e pues jessi dade fûr sot dai tiermins di cheste Licence Publiche Gjeneriche. Il tiermin "Program" di ca indevant si riferìs a ogni program o opare cussì definide, e la espression "opare basade sul Program" e segne sedi il Program sedi ogni opare calcolade "derivade" su la fonde de leç sul dirit di riproduzion; in altris peraulis, une opare cun dentri il Program o une sô part, sedi in mût leterâl sedi modificât o voltât intune altre lenghe. Di chi indevant la traduzion e je in ogni câs calcolade une "modificazion". A vegnin cumò metûts in liste i dirits dai beneficiaris de licence. Ativitâts diviersis de copiadure, de distribuzion e de modificazion no son cuviertis di cheste Licence e a son di fûr de sô influence. L'at di eseguî il Program nol ven limitât, e l'output dal program al è cuviert di cheste Licence dome se il so contignût al è une opare basade sul Program (in maniere indipendente dal fat che al sedi stât creât eseguint il Program). Su la fonde de nature dal Program il so output al pues jessi o no cuviert di cheste Licence. 1. Al è lecit copiâ e dâ fûr copiis leterâls dal codiç font dal Program compagn di cemût che al ven ricevût, cun cualsisei mieç, a cundizion che e vegni riprodusude a clâr su ogni copie une juste note di dirit di riproduzion e di assence di garanzie; che si mantegnin intats ducj i riferiments a cheste Licence e ae assence di ogni garanzie; che si dedi a ogni altri destinatari dal Program une copie di cheste Licence intune cul Program. Si pues domandâ un paiament pal trasferiment fisic di une copie dal Program, si pues ancje domandâ, a discrezion, un paiament par une cuvierzidure assicurative. 2. Al è lecit modificâ la sô copie o copiis dal Program, o sôs parts, creant alore une opare basade sul Program, e copiâ o dâ fûr chestis modificazions o cheste opare daûr dai tiermins dal come parsore 1, a pat che a sedin sodisfatis dutis lis cundizions ca sot: a) Si à di segnâ a clâr tai files che a son copiis modificadis e la date di ogni modificazion. b) Si à di fâ in mût che ogni opare dade fûr o publicade, che in part o te sô totalitât e derivi dal Program o di sôs parts, e sedi concedude dute interie in licence a gratis a ogni tierce part, daûr dai tiermins di cheste Licence. c) Se normalmentri il program modificât al lei comants in mût interatîf cuant che al ven fat, si à di fâ in mût che sul tacâ de esecuzion interative usuâl, cheste e stampi un messaç cun dentri une juste note di dirit di riproduzion e di assence di garanzie (o ben che e specifichi il gjenar di garanzie che si ufrìs). Il messaç al à cun di plui di specificâ che cualsisei al pues tornâ a dâ fûr il program aes cundizions descritis chi e al à di segnâ cemût cjatâ cheste Licence. Ma se il program di partence al è interatîf ma normalmentri nol stampe chest messaç, nol covente che une opare basade sul Program lu stampi. Chestis carateristichis domandadis si aplichin ae opare modificade tal so complès. Se a son parts che si puedin identificâ de opare modificade che no sedin derivadis dal Program e che a puedin jessi calcoladis cun buine reson tant che lavôrs indipendents, alore cheste Licence e i siei tiermins no si aplichin a chestis parts cuant che chestis a vegnin dadis fûr par lôr cont. Ma se chestis parts a vegnin dadis fûr dentri intun prodot che al è une opare basade sul Program, la distribuzion di cheste opare dute interie e à di fâsi tai tiermins di cheste Licence, e lis sôs normis par altris utents si slargjin su la opare dute interie, e duncje a ogni sô part, cualsisei che al sedi l'autôr. Duncje, nol è tes intenzions di cheste sezion di svantâ dirits, ni di contestâ dirits su oparis scritis ad in plen di altris; l'intindiment al è impen chel di esercitâ il dirit di controlâ la distribuzion di oparis derivadis dal Program o che lu tegnin dentri. Cun di plui, la agregazion semplice di une opare no derivade dal Program cul Program o cuntune opare derivade di chest su di un mieç di memorizazion o di distribuzion, nol è suficient par meti dentri la opare no derivade in cheste Licence. 3. Al è lecit copiâ e dâ fûr il Program (o une opare basade su di chest, tant che pandût tal come 2) in forme di codiç ogjet o di podê eseguî daûr dai tiermins dai comis 1 e 2 parsore, a pat che si aplichi une di chestis cundizions: a) che il Program al vedi dongje il codiç font complet, intune forme che e puedi jessi lete di un calcoladôr, e chest codiç font al sedi furnît, daûr des regulis dai comis 1 e 2 parsore, su di un mieç doprât normalmentri pal scambi di programs. b) che il Program al vedi dongje une ufierte scrite, valide par almancul trê agns, di furnî a cualsisei che indi fasi domande une copie complete dal codiç font, intune forme che e puedi jessi lete di un calcoladôr, in cambi di un compens no plui alt dal cost dal trasferiment fisic di cheste copie, che e à di jessi furnide, daûr des regulis dai comis 1 e 2 parsore, su di un mieç doprât normalmentri pal scambi di programs. c) che il Program al vedi dongje lis informazions che a son stadis ricevudis pe pussibilitât di otignî il codiç font. Cheste alternative e je permetude dome in câs di distribuzions no comerciâls e dome se il program al è stât otignût in forme di codiç ogjet o di podê eseguî in acuardi cu la letare b) chi parsore. Par "codiç font complet" di une opare si intint la forme preferenziâl doprade par modificâ une opare. Par un program eseguibil, "codiç font complet" al vûl dî dut il codiç font di ducj i modui contignûts dentri, plui ogni file associât che al definissi lis interfacis esternis dal program, plui i script doprâts par controlâ la compilazion e la instalazion dal eseguibil. In ogni câs nol covente che il codiç font furnît nol tegni dentri nuie che al sedi dât fûr normalmentri (in forme font o in formât binari) cui principâi components dal sisteme operatîf li che al ven fat il Program (compiladôr, kernel, e vie indevant), fale che chescj components no acompagnin l'eseguibil. Se la distribuzion dal eseguibil o dal codiç ogjet e je fate segnant un lûc di li che si puedi copiâlu, permeti la copie dal codiç font dal stes lûc al è calcolât une forme di distribuzion valide dal codiç font, ancje se copiâ il codiç font al è facoltatîf pal acuirent. 4. Nol è lecit copiâ, modificâ, sublicenziâ, o dâ fûr il Program in mûts diviers di chei previodûts a palês di cheste Licence. Ogni tentatîf di copiâ, modificâ, sublicenziâ o dâ fûr il Program nol è autorizât, e al fasarà terminâ in mût automatic i dirits garantîts di cheste Licence. Di chê altre bande ogni acuirent che al vedi ricevût copiis, o dirits, cuvierts di cheste Licence di bande di personis che a violin la Licence tant che segnât chi, no varan invalidade la lôr Licence, se si compuartin daûr di chê. 5. L'acuirent nol è tignût a acetâ cheste Licence, stant che le e à firmade. Di chê altre bande nissun altri document nol garantìs il permès di modificâ o dâ fûr il Program o i lavôrs derivâts di chest. Chestis azions a son proibidis de leç par cui che nol acete cheste Licence; duncje, modificant o distribuint il Program o une opare basade sul program, si segne, tal fâ un tant, la acetazion di cheste Licence e duncje di ducj i siei tiermins e dutis lis cundizions metudis su la copie, su la distribuzion e su la modificazion dal Program o di lavôrs basadis su di chest. 6. Ogni volte che il Program o une opare basade su di chest a vegnin distribuîts, l'acuirente al ricêf in mût automatic une licence di ûs di bande dal licenziatari origjinâl. Cheste licence e regole la copie, la distribuzion e la modificazion dal Program daûr di chescj tiermins e di chestis cundizions. No al è lecit imponi limitazions di plui al acuirent tal so esercizi dai dirits chi garantîts. Cui che al da fûr programs cuvierts di cheste Licence nol scuen in dut câs imponi il rispiet di cheste Licence a tierçs. 7. Se, tant che conseguence dal judizi di un tribunâl, o di une imputazion pe violazion di un brevet o par ogni altre reson (no dome par cuistions di brevets), a vegnin imponudis cundizions che a van cuintri des cundizions di cheste licence, e chestis cundizions a sedin detadis de cort, di acuardis tra lis parts o altri, chestis cundizions no liberin nissun de osservazion di cheste Licence. Se nol è pussibil dâ fûr un prodot intun mût che al sodisfi tal stes moment i oblics detâts di cheste Licence e altris oblics specifics, il prodot nol pues jessi dât fûr in nissune maniere. Par esempli, se un brevet nol permetès a ducj chei che lu ricevin di tornâ a dâ fûr il Program cence obleâ a paiâ dirits, alore l'unic mût par sodisfâ in chel istès timp il brevet e cheste Licence al è di no dâ fûr il Program. Se une cualsisei part di chest come e je ritignude no valide o di no podê aplicâ intune cualsisei circostance, e à di in dut câs di jessi aplicade la idee pandude di chest come; in ogni altre circostance invezit al à di jessi aplicât chest come tal so complès. No je tes finalitâts di chest come indusi i utents a lâ cuintri di nissun brevet ni ogni altre rivendicazion di dirits di proprietât, ni di contestâ la validitât di nissune di chestis rivendicazions; il fin di chest come al è dome chel di protezi la integritât dal sisteme di distribuzion dai programs libars, che al ven fat cul ûs di licencis publichis. Tantis personis a à n contribuît cun gjenerositât ae grande sielte di programs dâts fûr cun chest sisteme, fondantsi su la aplicazion fedêl di chest sisteme. L'autôr/donadôr al pues decidi di sô volontât se al à miôr di dâ fûr il program zovantsi di altris sistemis, e l'acuirent nol pues imponi la sielte dal sisteme di distribuzion. Chest come al covente par rindi il plui clâr che si pues cheste che o crodin che e sedi une consecuence dal rest di cheste Licence. 8. Se in cierts paîs la distribuzion o l'ûs dal Program a son limitâts di brevet o dal ûs di interfacis cuviertis di dirit di riproduzion, il detentôr dal dirit di riproduzion origjinâl che al met il Program sot di cheste Licence al pues zontâ limits gjeografics palês ae distribuzion, par escludi chescj paîs de distribuzion stesse, in mût che il program al puedi jessi dât fûr dome tai paîs no lassâts fûr di cheste regule. In chest câs i limits gjeografics a son cjapâts dentri in cheste Licence e a 'ndi fasin part par ducj i efiets. 9. Tal câs che al coventi la Free Software Foundation e pues publicâ revisions o gnovis versions di cheste Licence Publiche Gjeneriche. Chestis gnovis versions a saran similis a cheste tal spirt, ma a podaran jessi diferentis tai detais par cuvierzi gnûfs problemis e gnovis situazions. A ogni version al ven dât un numar identificatîf. Se il Program al declare di jessi cuviert di une version particolâr di cheste Licence e "di ogni version seguitive", l'acuirente al pues sielzi se lâ daûr des cundizions de version specificade o di une seguitive. Se il Program nol specifiche ce version di cheste Licence si à di aplicâ, l'acuirente al pues sielzi une cualsisei version tra chês publicadis de Free Software Foundation. 10. Se si vûl incorporâ parts dal Program in altris programs libars che lis lôr cundizions di distribuzion a sedin diferentis di chestis, al è pussibil scrivi al autore dal Program par domandâ la autorizazion. Pal programari che il so dirit di riproduzion al è detignût de Free Software Foundation, si à di scrivi ae Free Software Foundation; cualchi volte o fasìn ecezions aes regulis di cheste Licence. La nestre decision e sarà indreçade di dôs finalitâts: mantignî la libertât di ducj i prodots derivâts dal nestri programari libar e fâ che si condividi e che si torni a doprâ il programari in gjenerâl. NO JE GARANZIE 11. STANT CHE IL PROGRAM AL à CONCEDÃT IN ÃS A GRATIS, NO JE GARANZIE PAL PROGRAM, TAI LIMITS PERMETÃTS DES LEÃS IN VORE. SE NO SEGNÃT IN MÃT DIVIERS PAR SCRIT, IL DETENTÃR DAL DIRIT DI RIPRODUZION E CHÃS ALTRIS PARTS A FURNISSIN IL PROGRAM "CUSSà COME CHE AL Ã", CENCE NISSUN GJENAR DI GARANZIE, NI ESPLICITE NI IMPLICITE; UN TANT AL CJAPE DENTRI, CENCE LIMITÃSI A CHEST, LA GARANZIE IMPLICITE DI COMERCIABILITÃT E UTILIZABILITÃT PAR UN FIN PARTICOLÃR. DUT IL PERICUL CHE AL TOCJE LA CUALITÃT E LIS PRESTAZIONS DAL PROGRAM AL à DAL ACUIRENT SE IL PROGRAM AL VES DI RISULTà DIFIETÃS, L'ACUIRENT SI CJAPE CARIC DAL COST DI OGNI MANUTENZION, RIPARAZION O MENDE CHE E COVENTI. 12. NI IL DETENTÃR DAL DIRIT DI RIPRODUZION NI ALTRIS PARTS CHE A PUEDIN MODIFICà O TORNà A Dà FÃR IL PROGRAM TANT CHE PERMETÃT IN CHESTE LICENCE A SON RESPONSABII PAR DAMS AL ACUIRENT, FALE CHE CHEST NOL SEDI DOMANDÃT DES LEÃS IN VORE O CHE AL RISULTI IN UN ACUARDI SCRIT. A SON CJAPÃTS DENTRI DAMS GJENERICS, SPECIÃI O INCIDENTÃI, TANT CHE ANCJE I DAMS CHE A DERIVIN DAL ÃS O DE IMPUSSIBILITÃT DI DOPRà IL PROGRAM; UN TANT AL CJAPE DENTRI, CENCE LIMITÃSI A CHEST, LA PIERDITE DI DÃTS, LA CORUZION DAI DÃTS, LIS PIERDITIS SOSTIGNUDIS DAL ACUIRENT O DI TIERÃS E LA INCAPACITÃT DAL PROGRAM DI INTERAGJà CUN ALTRIS PROGRAMS, ANCJE SE IL DETENTÃR O ALTRIS PARTS A SON STADIS VISADIS DE PUSSIBILITÃT DI CHESCJ DAMS. FIN DAI TIERMINS E DES CUNDIZIONS GDB TF VERSION 1.0RC5 - COPYRIGHT (C) 2004 REGJON FRIÃL VIGNESIE JULIE, CENTRI FRIÃL LENGHE 2000