Prumire[*] saye d' on coridjeu d' ortografeye e walon po ispell;
shuvant l' ortografeye do rfondou walon.

([*] li 2inme en fwait, mins li prumire a stî pierdowe po todi, a cåze
 d' ene biestreye ki dj' a fwait avou "rm"...
 Mins cisse chal est vormint mî k' l' ôte savoz (cmint ça "l' ôte duvreut
 esse vormint afreuse" ?)

Dj' a sortot tuzé sol manire di trover les diferinnes fômes codjowêyes
des viebes, gråce a l' aidance di Lucyin Mahin; et poy dj' a metou
les prumires pådjes di l' esplicant motî walon.

Li tot est so licince libe bén seur.

A FÉ: 
* verifyî ki les fômes dinêyes po les viebes sont les bones (li motî dene,
  come tos les motîs, l' efinitif; dji n' so nén foirt seur po des viebes
  k' i gn a d' aveur prindou li bone fôme)
* verifyî l' algorite di codjowaedje eployî et sayî d' voere s' i pout
  bén covrî tos les viebes erîlés, et si dji n' a pont rovyî des sacwès.


DJ' A FWAIT LES TCHÛZES SHUVANTES POL ORTOGRAFEYE EPLOYEYE CHAL:
(mins tot çoula pout esse candjî bén seur; i fåt djusse, por on minme
diccionaire di coridjaedje, eployî les minmes convencions tot avå)
  - b.s. "oi" el plaece di "wae"
  - "ai" el plaece do "ê" (mins nén po tos les mots)
  - diferince inte -î (-> -ant) eyèt -i ( -ixhant) po les viebes (c' est
    eployî pa l' algorite)
  - -é -> -ez, -î -> -îz, -i -> -ixhoz, -u -> -oz pol codjowaedje des schoutants
  - -eye (sin faflotes) po -êye/-èye/-éye/-îye
  - -êye (avou accint) po -éye/-êye/-ée (måy -îye): pårticipe erirece femrin
  - -a,-as,-a,-îs,-îz,-ît
  - -anxhe,-oxhe,-exhe
  - -inxhe,-ixhe,-inxhe
  - -éns, -îz, -ént
  - -reu,-reus,-reut,-réns,-rîz,-rént
  (et d' ôtes, vey walon.aff)

Bén seur tot çoula pout esse candjî dj' a seulmint metu çu ki dj' eploye
normålmint, po poleur fé des sayes so mes fitchîs di ratournaedje wa.po;
on côp ki ça rotreut bén, i fårè prinde ene decision po tos ces cas la
(decision ki poreut esse candjeye pus tård, mins å moens saveur, inte ene
decision et l' ôte, kéne ortografeye eployî; pace ki pol moumint i m'
sonle ki tos les rfondeus scrijhèt tertos avou des rîles diferinnes l' onk
di l' ôte :).

KIMINT L' EPLOYÎ

On fwait l' fitchî *.hash tot tapant "make", et copyî les deus
fitchîs walon.aff et walon.hash dins /usr/lib/ispell.

Asteure si vos vloz verifyî on fitchî "foo.txt" e walon, i fåt fé:
	ispell -d walon foo.txt


KIMINT L' RAMÎDRER

dins l' ridant mots/ dj' a metu sacwants fitchîs, les nos des fitchîs sont
assez simpes po comprinde i m' sonle :) vos î ploz radjouter des novelès
intrêyes, mots, viebes,...
tchaeke intrêye pout aveur onk ou des drapeas (separés do mot par on "/").
Les drapeas sont:
a: addjectif (çoula vout dire a pårti del fôme omrinne dinêye on pout aveur
	les fômes plurieles, et femrinne). eg: "blanc/a" çoula va covrî
	les mots "blanc", "blancs", "blanke", "blankes", "blankès"
s: li mot pout prinde on s po fé on pluriel
n: drapea po les nos (fwait des fômes femrin et omrin, sing et pluriel;
	c' est cåzu come "a", mins sin l' fôme -ès )
i: sititchåve voyale. eg: "sicole/is" ki covere "sicole", "scole", "sicoles"
	et "scoles"
v: viebe erîlé. po les viebes i fåt dner deus fômes: li cene pol schoutant
	di l' edicatif prezintrece, et li pårticipe erirece omrin;
	a pårti di ces deus fômes, li resse est fwait.
	eg: "tådjes/v" et "tårdjî/v" oudonbén "boes/v" et "bevou/v"
j: li viebe pout fé on mot en -aedje, eg: "sicrit/jvi" -> s(i)crijhaedje
	li drapea "j" si mete sol fôme pårticipe erirece do viebe
r: po les mots ki fjhèt ene fôme femrinne e -resse; eg:
	"cinsî/r" --> "cinsî", "cinsîs", "cinsresse", "cinsresses"
	on pot mete les drapeas "n" et "r" po les mots ki ont deus fômes
	femrinnes, eg: "abateu/nr" -> abateu, abateus, abateuse, abateuses,
	abatresse, abatresses 
t: po les viebes ki polèt fé on addj. en -ant; eg: ahåyî/vt --> ahåyant,
	ahåyants, ahåyante, ahåyantes, ahåyantès
	li drapea si mete sol fôme pårticipe erirece do viebe  
c: po les viebes ki fjhèt on mot en -ance; eg: amîdré/vjtc --> 
	amîdrance, amîdrances (et ossu amîdraedje, cåze do "j", et
	amîdrant{,s,e,es,ès} cåze do "t")
m: - po les nos: fwait on adviebe e -mint; eg: awoureus/am --> awoureuzmint
   - po les viebes: fwait on mot e -mint; eg: abayes/vm --> abaymint(s)
    atincion ki po les viebes li drapea  si mete al fôme do schoutant di
    l' edicatif erirece, dismetant ki tos les ôtes drapeas (ôtes ki "v" et "i")
    si metèt sol fôme pårticipe erirece.
<rén>: ci mot la et rén d' ôte, nou derivé est fwait (eg: "alans")

Loukîz dvins les fitchîs di mots/* po des egzimpes.



Vola, amusez vs bén et dijhoz mu çu k' vos è pinsoz.