Myspell al è un coretôr ortografic creât par OpenOffice (www.openoffice.org), un pachet di programs pal ufici (word processor, sfuei di calcul, editor di presentazions e v.i) libar e disponibil par plui sistemis operatîfs. Il stes coretôr ortografic al è doprât ancje di cualchi altri program, come Thunderbird (http://www.mozilla.org), un program di pueste eletroniche ancje chest libar e multi-plateforme. La instalazion dal dizionari Furlan e à di jessi tornade a fâ par ogni program che al dopre myspell e magari cussì no, par ogni program il mût di procedi al è diferent (di fonde si à di copiâ i file dal dizionari in une cualchi directory dal program e podopo configurâ il program par abilitâ la corezion ortografiche par Furlan). A vegnin daûr lis istruzions par instalâlu in: * OpenOffice * Thunderbird Instalazion par OpenOffice ---------------------------- 1- Inviâ une cualsisei aplicazion di OpenOffice (es. Writer), de bare dai menù selezionâ: Strumenti->Opzioni->OpenOffice.org->percorsi (te version inglese Tools->Options->OpenOffice.org->Paths) Cjapâ note dal percors relatîf ae vôs Linguistica (Writing Aids) e sierâ dutis lis aplicazions di OpenOffice inviadis, in Windows sierâ ancje la eventuâl iconute cui cocâi che si cjate te System Tray tal cjanton in bas a drete dongje dal orloi. Il percors di default par versions di OpenOffice prin de 1.0.1 al è <Directory di instalazion di OpenOffice>/usr/wordbook/ par versions plui resints al è <Directory di instalazion di OpenOffice>/share/dict. 2- Scompatâ il file dal dizionari te directory - <Percors cjatât> in câs di version prin de 1.0.1 - <Percors cjatât>/ooo in câs contrari 3- Vierzi cuntun editor di tescj il file dictionary.lst che al varès bielzà di jessi te directory nomenade parsore, câs contrari si à di creâlu. Zontâ al file cheste rie: DICT fr FR fur_IT e salvâ. Note impuartant: OpenOffice al permet di doprâ dizionaris dome par une liste di lenghis predefinidis e magari cussì no, il Furlan nol (ancjemò) includût. Par risolvi il probleme, si à brie nome di impleâ une lenghe ricognossude dal program tant che imprestenon pal Furlan. La rie zontade difat al assegne il dizionari furlan (fur_IT) al francês (fr) di France (FR), sielzût par vie che la sigle e sune tant Friûl. Se però si dopre bielzà un dizionari francês, baste specificâ une altre lenghe libare, par esempli par sielzi l'Afrikaans, la prime lenghe te liste, si à di scrivi: DICT af ZA fur_IT 4- Tornâ a vierzi une aplicazion di OpenOffice e selezionâ Strumenti->Opzioni->Impostazioni Lingua->Lingue (Tools->Options->Language settings->Languages ) Come 'Lingua Standard dei documenti' selezionâ de liste la lenghe imprestenon. Passâ ae sezion Linguistica (Writing Aids) che si cjate simpri sot la vôs Impostazioni Lingua (Language Settings) e cjalcjâ il boton Modifica (Edit) a drete de sotsezion 'Moduli linguistici disponibili'. Tal gnûf balcon che si vierç selezionâ de liste la lenghe imprestenon e ativâ, se no je bielzà ativade, la casele dal control ortografic. Instalazion par Thunderbird ----------------------------- 1- Copiâ i file fur-IT.aff e fur-IT.dic che a son tal file zip in bin/components/myspell te directory di instalazion di Thunderbird. 2- Cuant che si fâs il control ortografic te balconute che e ven fûr sielzi come lenghe fur_IT.